وصفات طبيعية للعلاج مشكل تساقط الشعر و التخلص من الشيب على موقع الوصفات و الخلطات الطبيعية للعناية بالشعر "موقع مغربيات"
وصفة للتخلص من الشيب (الشعر الأبيض)
وصفة طبيعية تعالج تساقط الشعر الحاد
عانيت بزاف من تساقط الشعر، وخفاف ليا من القدام مشيت عند طبيبة مختصة وتبعت معاها، نقص المشكل شوية، ومني كملت العلاج ، رجع مشكل تساقط الشعر، وبديت كنستعمل الوصفات الطبيعية، والحمد لله، شعري بدا كيزيان بعد ماكان متقصف وجاف ولونه باهت،وخفيـــــــف، المشكل الثاني لعنيت منو إلى جانب التقصف هو الشيب، ودابا بلا منطول عليكم، ندخلو في المهم ونحكي ليكم عن وصفاتي الطبيعية لهناتني من مشكل تساقط الشعر وفي نفس الوقت غطات لي الشيب وعطاتني لون غـــــزال :
كنوجدفي الأول مغلي الأعشاب وكيكون ديمة موجود عندي في الثلاجة :كندير في كسرونة شوية السالمية + الزعتر+ الآزير + قشور الرمان +السواك + 1م ص خرقوم بلدي +بصلة حمرة مغسولة ومقطعة بقشورها على 4 + 4 ضروس ثوم بقشورهم + الماء مغلي، نخليو الكل فوق النار لمدة 15 دقيقة، ومني يبرد نصفيوه ونديروه في قرعة، ريحة البصل والثوم مع الطهي مكتبقاش مجهدة، مرة في الأسبوع، قبل الحمام كندفي لقياس من هاد المغلي وكنضيف عليه1معلقة صغيرة من كل من: الريحان+ الورد+الخزامى+ 2م ك كاكاو أسود ديال لعبار+ 2م ك لزاز +2م ك حنة + أصفر بيضة + دانون مسوس، خلي الخليط يخمر مدة ساعة وديريه لشعرك لمدة 3 أو 4 ساعات وغسليه عادي، ونصيحتي هي ان أي شمبوان كترتاحي ليه زيدي ليه نفس كميته مغلي الآزير والزعتر واستعمليه انت وكل أفراد العائلة، فهو فعال يقوي الشعر ويوقف تساقط الشعر ويعطي اللمعان.
هاد الوصفات عن جد وافقوني وخلصوني من تساقط الشعر و كل مشاكلي مع شعري وللأمانة تجاوزت المشكل نهائيا ملي زدت وصفة رشيم القمح من وصفات الدكتور جمال الصقلي، وهي وصفة ساهلة ولذيذة وفعالة بامتياز، كتقوي الشعر وكطولو وكتعالج الشعرة من الجدوركما أن رشيم القمح يحمي من التجاعيد ويقضي على التصبغات الجلدية :
تعليقات