كيكة الجزر والمندرين معسل

السلام عليكم حبيباتي الانيقات من بعد ماتوالت الطلبات على كيكة الجزر. بغيت نزلها فموضوع منفرد باش يستافدو الاخوات وماضيعش الوصفة بين الصفحات نبداو على بركة الله

 المقادير:

4بيضات+كاس ونص سكر+كاس زيت+كاس عصير برتقال

قشرة برتقالة محكوكة+دانون اي نكهة+2خيزويات محكوكين+كاس كوك

3خمارات+الدقيق حسب الخليط+دوائر مندرين معسل للتزيين

الطريقة:

كنطرب البيض مع السكر مزيان كنزيد الزيت ثم دانون مع التطراب
كنضيف عصير البرتقال وكنخلط كنزيد قشورالبرتقال والجزر+الكوك ونخلط بالسباتول
اخيرا كنضيف الدقيق مخلط مع الخمارات
وكنخوي فمول مدهون ومرشوش بالدقيق وندخلها للفرن مدة 40 دعلى د 180

من بعد مانخرجوها كنزوقوها بالمندرين معسل والكوك فالجناب
طريقة تعسيل المندرين :كنقطع دوائر المندرين ونحيد ليهم العظومة ونسلقهم نص سلقة
كنرمي هاداك الماء ونعاود نسلقو هاد المرة كنزيدلو السكر باش يحيد مذاق المرورة
ملي كنحس بيه طاب يعني القشور ولاو رطبين كنصفيه
ونعسلو فمقلاة مع السكر الزبدة و2معالق كونفتير المشماش

هادي فايتلي صاوبتها وزينتها غي بالكوك كنتمنى تعجبكم وتجربوها

كتجي عالية بزاف ولذيذة وهشيشة وهاداك المندرين ماشي غير ديكور ههههه

راه كيتكال كيولي كراميليزي ممكن ديرو فبلاصتو البرتقال

ياربي نكون توفقت فالشرح والمرة الجاية نزلها بالمراحل